Legenda Abbreviazioni | Legenda Simboli

basoludúndhu , nm Definizione basolu tundhu: genia de laore e su granu chi faet, bonu po papare, coment'e unu pisu tundhu ma cun su pitzu inue bogat sa tzeurra: faet una tega crutzitedha e no portat prus de duos granos Sinonimi e contrari basolubitzudu, chíghere, cígiri Frasi su basoludundhu est bonu fatu a minestrone, o a piscadura cun erbuzu ◊ su basoludundhu faghet unu o duos ranos ◊ sighia a drommire sonniendhe coinzolos de ischefa e muntonedhos de basolu tundhu Terminologia scientifica lrs, Cicer arietinum Etimo srd. Traduzioni Francese pois chiche Inglese chickpea Spagnolo garbanzo Italiano céce Tedesco Kichererbse, Kicherling.

chíghere , nm Definizione basolu becudu, fasolu cíxiri, genia de laore a tiradura e su granu chi faet, bonu po papare, coment'e unu pisu ma tundhu e cun su bicu ue bogat sa tzeurra: faet sa tega curtza curtza cun d-unu o duos granos) Sinonimi e contrari basolubitzudu, basoludundhu, cígiri Frasi fut su chíghere orrostiu su prus pastu preferiu po dhos fàere bufare! ◊ in iscola poniant is piciochedhos addoraos a benugos nuos in terra, a bortas cun chíghere asuta Terminologia scientifica lrs, Cicer arietinum Etimo ltn. cicer. Traduzioni Francese pois chiche Inglese chickpea Spagnolo garbanzo Italiano céce Tedesco Kichererbse, Kicherling.

cígiri , nm: cixi, cíxiri, gígiri Definizione basolu becudu, genia de laore a tiradura e su granu chi faet, bonu po papare, a bisura de unu pisu ma tundhu e sèmpere de colore craru e parívile, cun d-unu bichighedhu inue bogat sa tzeurra: su fundhu faet su frorighedhu biancu e una teghighedha curtza cun d-unu o duos granos / cíxiri barracocu = calidade a ranu maduru; c. galiatzu = cotu, arrustidu in sa rena; nara cíxiri!: peràula chi sa zente in Castedhu faghiat nàrrere pro iscobèrrere a chie no fit sardu, candho che ant catzadu sos Piemontesos su 1794 (sa /c/ in mesu de duas vocales, comente resurtat in nara cíxiri, mudat a un'àteru sonu, a /x/, ma mai nendhe sa peràula a sola) Sinonimi e contrari basolubitzudu, basoludundhu, chíghere* Frasi su cixi est bellu fintzas a minestroni ◊ su cíxiri sardu rendit meda de prus de su barracocu ◊ mellus sa brenti tzacada chi no su cíxiri pérdiu! 2. su prexu de cussa piciochedha? no dhi capit unu cíxiri! Cognomi e Proverbi smb: Cixi, Cixiri, Cisci Terminologia scientifica lrs, Cicer arietinum Traduzioni Francese pois chiche Inglese chickpea Spagnolo garbanzo Italiano céce Tedesco Kichererbse.

«« Cerca di nuovo